ឯកឧត្តម នេត្រ ភក្ត្រា ដឹកនាំគណៈប្រតិភូក្រសួងព័ត៌មាន ចូលរួមពិធីបើកកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៦ និងកិច្ចប្រជុំពាក់ព័ន្ធនៅទីក្រុងដាណាង

APP MoINF ទីក្រុងដាណាង ថ្ងៃទី២២ ខែកញ្ញា ឆ្នាំ២០២៣

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានដឹកនាំគណៈប្រតិភូក្រសួងព័ត៌មានចូលរួមពិធីបើកកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៦ និងកិច្ចប្រជុំពាក់ព័ន្ធនៅទីក្រុងដាណាង ប្រទេសវៀតណាមពីថ្ងៃទី២១ ដល់ថ្ងៃទី២៤ ខែកញ្ញា ឆ្នាំ២០២៣ ក្រោមអធិបតីភាព អនុប្រធានាធិបតីនៃសាធារណរដ្ឋសង្គមនិយមវៀតណាម លោកជំទាវ Vo Thi Anh Xuan នាព្រឹកថ្ងៃទី២២ ខែកញ្ញា ឆ្នាំ២០២៣។

កិច្ចប្រជុំរដ្ឋមន្ត្រីទទួលបន្ទុកព័ត៌មានលើកទី១៦ មានការអញ្ជើញចូលរួមពីរដ្ឋមន្ត្រី និងប្រធានគណៈប្រតិនៃបណ្តាប្រទេសអាស៊ាន និងមានការអញ្ជើញចូលរួមផងដែរពីប្រទេសទីម័រលេស្តេ ក្នុងនាមជាអ្នកសង្កេតការណ៍ និងតំណាងប្រទេសចិន ជប៉ុន និងប្រទេសកូរ៉េខាងត្បូង។ កិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៦ និងកិច្ចប្រជុំពាក់ពន្ធ​នេះផ្តោតលើប្រធានបទ «ប្រព័ន្ធផ្សព្វផ្សាយ៖ ពីព័ត៌មានទៅចំណេះដឹងសម្រាប់អាស៊ានដែលមានភាពធន់ និងឆ្លើយតប»៕ 

សម្រួលផ្សាយ៖ កន ចំណាន