នៅព្រឹកថ្ងៃទី១២ ខែមិនា ឆ្នាំ២០២៣ បន្ទាប់ពីចូលរួមជាគណៈអធិបតីក្នុងពិធីសម្ពោធឆ្លងកុដិ និងដាក់អោយប្រើប្រាស់សមិទ្ធិផលនានាក្នុងវត្តស្រែ ស្ថិតក្នុងឃុំស្រែជាខាងជើង ស្រុកដងទង់ រួចមក ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញចុះទៅដោះស្រាយ ករណីទំនាស់ផ្លូវដើរ វាងបងប្អូននិងបងប្អូន ស្ថិតនៅភូមិព្រានទំ ឃុំស្រែជាខាងជើង ស្រុកដងទង់ ខេត្តកំពត ដល់ទីតាំងទំនាស់ផ្ទាល់។
ក្នុងពេលដោះស្រាយនេះដែរ ឯកឧត្ដមអភិបាលេ បានប្រើប្រាស់យន្តការគ្រួសារ ក្នុងនាមជាបងប្រុសម្នាក់ក្នុងគ្រួសារដើម្បីធ្វើការសម្របសម្រួល។ ជាមួយគ្នានេះដែរ ឯកឧត្ដមក៏បានផ្ដាំផ្ញើដល់បងប្អូនទាំងអស់ត្រូវចេះស្រលាញ់គ្នា ចេះយោគយល់អធ្យាស្រ័យគ្នាទៅវិញទៅមក កុំឱ្យបញ្ហាវិវាទនឹងគ្នាតទៅទៀត។
ជាលទ្ធផលភាគីបងប្អូនបង្កើតនឹងគ្នា ព្រមតាមយន្តការដោះស្រាយរបស់ឯកឧត្ដម ព្រមបេីកផ្លូវចេញចូលឡេីងវិញ ព្រមទាំងបានអរគុណឯកឧត្តម ដែលបានចុះមកដោះស្រាយវិវាទនេះជូនពួកគាត់ដល់ទីតាំងផ្ទាល់៕
0 Comments