Ad Code

ព័ត៌មានថ្មីៗ

6/recent/ticker-posts

រដ្ឋបាល​ខេត្តកំពត​បើក​កិច្ចប្រជុំ​សាមញ្ញ លើក​ទី​៤១ របស់​ក្រុមប្រឹក្សា​ខេត្ត អាណត្តិ​ទី​៣

​នៅ​ព្រឹក​ថ្ងៃទី​១៣ ខែតុលា​ឆ្នាំ​២០២២ រដ្ឋបាល​ខេត្តកំពត បាន​បើក​កិច្ចប្រជុំ​សាមញ្ញ លើក​ទី​៤១ របស់​ក្រុមប្រឹក្សា​ខេត្ត អាណត្តិ​ទី​៣ ដើម្បី​ពិនិត្យ និង​អនុម័ត​លើ​របៀបវារៈ​សំខាន់ៗ រួមមាន​របាយការណ៍​លទ្ធផល​ស្ដីពី​ការអនុវត្ត​ការងារ​របស់​រដ្ឋបាល​ខេត្ត និង​រដ្ឋបាល​ក្រុង ស្រុក ឃុំ សង្កាត់ ប្រចាំត្រីមាស​ទី​៣ ចាប់ពី​ខែកក្កដា សីហា និង​ខែកញ្ញា ឆ្នាំ​២០២២ និង​មានការ​ពិនិត្យ​ពិភាក្សា​ទៅលើ បញ្ហា​ប្រឈម ដំណោះស្រាយ ទិសដៅ​ការងារ​អនុវត្ត​ក្នុង​ត្រីមាស​បន្ទាប់ និង​សេចក្តីសន្និដ្ឋាន។​

​មានប្រសាសន៍​ក្នុង​កិច្ចប្រជុំ ឯកឧត្តម ជឹ​ង ផល្លា ប្រធាន​ក្រុមប្រឹក្សា​ខេត្ត បាន​បញ្ជាក់ថា កិច្ចប្រជុំ​ក្រុមប្រឹក្សា​ខេត្ត គឺ​ពិត​ជាមាន​សារៈសំខាន់ ដើម្បី​ពិនិត្យ និង​អនុម័ត​នូវ​លទ្ធផល​ការងារ​សម្រេចបាន​និង​ផែនការ​បន្ទាប់​ទៀត របស់​រដ្ឋបាលខេត្ត​ជា​រៀងរាល់ខែ​។ ជាក់ស្ដែង​សម្រាប់​កិច្ចប្រជុំ​ពេលនេះ មិន​ខុសពី​ខែ​មុនៗ​ដែរ គឺ​ដើម្បី​ពិនិត្យ និង​អនុម័ត​លើ​របៀបវារៈ សំខាន់ៗ តាមរយៈ​ផែនការ​សកម្មភាព​និង ផែនការ​គោលដៅ​របស់​រដ្ឋបាលខេត្ត​រួម​និង​ដំណោះស្រាយ​បញ្ហា​ប្រឈម​នានា ដើម្បីឱ្យ​លទ្ធផល​ការងារ​កាន់តែ​សម្រេចបាន​ជោគជ័យ​ល្អប្រសើរ​បន្ថែមទៀត ។ 

​ឯកឧត្តម​ប្រធាន​ក្រុមប្រឹក្សា​ខេត្ត ក៏បាន​ថ្លែង​ការកោតសរសើរ​ដល់ គណៈ​អភិបាលខេត្ត រួម​និង ថ្នាក់ដឹកនាំ​មន្ទីរ អង្គភាព កងកម្លាំងប្រដាប់អាវុធ អាជ្ញាធរ​ក្រុង ស្រុក​ទាំងអស់ នៅក្នុង​ខេត្ត ដែល​តែងតែបាន​ខិតខំ​បំពេញការងារ​យ៉ាងសកម្ម និង​បាន​សហការគ្នា​យ៉ាង​ល្អ សម្រេចបាន​នូវ​លទ្ធផល​ផ្លែផ្កា​ជាច្រើន ធ្វើ​ឲ្យ​ខេត្តកំពត​មានការ​អភិវឌ្ឍន៍​ទៅមុខ​ជា​ជំ​ហ៊ានៗ ។  

 ឯកឧត្តម​ប្រធាន​ប្រធាន​ក្រុមប្រឹក្សា​ខេត្ត ក៏បាន​សំណូមពរ​ផ្ដាំផ្ញើ​ដល់ ថ្នាក់ដឹកនាំ​ខេត្ត មន្ទីរ​អង្គភាព​ជុំវិញ​ខេត្ត អាជ្ញាធរ​ក្រុង ស្រុក កងកម្លាំង​សមត្ថកិច្ច​ជំនាញ​ក្នុង​ខេត្ត បន្ត​យកចិត្តទុកដាក់​សហកា​រ​គ្នា​ឱ្យបាន​កាន់តែ​ល្អ ដើម្បី​រួមគ្នា រក្សាបាន​នូវ​សន្តិសុខ​សណ្ដាប់ធ្នាប់ និង​កិច្ចអភិវឌ្ឍន៍​ក្នុង​មូលដ្ឋាន​បាន​កាន់តែ​ប្រសើរ​ថែមទៀត ស្របទៅនឹង​គោលនយោបាយ​រាជរដ្ឋាភិបាល ក្នុងការ​អភិវឌ្ឍ​ប្រទេស និង​ការកាត់បន្ថយ​ភាពក្រីក្រ​ជូន​ប្រជាពលរដ្ឋ​។ 

 ​សូមបញ្ជាក់ថា កិច្ចប្រជុំ​សាមញ្ញ​របស់​ក្រុមប្រឹក្សា​ខេត្តកំពត​លើក​ទី​៤១ នាឱកាស​នោះ ក៏បាន​ផ្ដោតជាសំខាន់ ពាក់ព័ន្ធ ទៅលើ​បញ្ហា​ប្រឈម​មួយចំនួន របស់​រដ្ឋបាល​ក្រុង ស្រុក ឃុំ សង្កាត់ ក្នុងនោះ​មាន បញ្ហា​ប្រឈម របស់​រដ្ឋបាល​ក្រុង ស្រុក រួមមាន​បញ្ហា ការបោះ​សំរាម​ចោល​ពាសវាល​ពាសកាល​នៅតែ​បន្ត​មាន​,​នៅ​ទីប្រជុំជន​មានការ​ខ្វះខាត​ធុងសំរាម , វិវាទ​ដីធ្លី និង​ការបោះ​បង្គោលព្រំ​វត្ត​អារាម នៅក្នុង​មូលដ្ឋាន​មួយចំនួន មិនទាន់មាន​ដំណោះស្រាយ​និង​អនុវត្តបាន ។​

​ចំណែកឯ​បញ្ហា​ប្រឈម របស់​ឃុំ សង្កាត់ តែងតែ​នៅមាន​កើតឡើង អំពី​បញ្ហា​ករណី​អំពើ​ហឹ​ង្សា​ក្នុង​គ្រួសារ ការប្រព្រឹត្ត​ល្បែងស៊ីសង បញ្ហា​ក្មេង​ទំនើង សេព​គ្រឿងញៀន ប្រជាពលរដ្ឋ​មិនទាន់​យល់ច្បាស់​ពីសារ​:​សំខាន់​អត្រានុកូលដ្ឋាន មានការ​កោស​លុប និង​បាត់ ប្រជាពលរដ្ឋ​ទាមទារ​ដី​អាស្រ័យ​ផល​លើដី​ឧទ្យាន​ជាតិ និង​គម្រប​ឈើ ប្រជាពលរដ្ឋ​ខ្វះ​អត្តសញ្ញាណប័ណ្ណ​គម្រូ​ថ្មី​ ​ការយល់ដឹង​របស់​ក្រុមប្រឹក្សា ឃុំ សង្កាត់​ចូលកាន់​តំណែង​ថ្មី​នៅមានកម្រិត ការខ្វះ​បង្គោល​ភ្លើង​ខ្វះ​បណ្តាញ​ទឹកស្អាត​តាមផ្លូវ​លំ ដែល​បាន​បង្កើត​ថ្មី និង​ការគ្រប់គ្រង​សំរាម​មិនទាន់​បានល្អ​៕

​អត្ថ​ប​ទៈ មន្ទីរ​ព័ត៌មាន​ខេត្តកំពត​


Post a Comment

0 Comments