បញ្ហាទំនាស់ សំណើរ សំណូមពរ និងក្តីកង្វល់ របស់ប្រជាពលរដ្ឋនៅខេត្តកំពត ជាង ២ពាន់ករណី ត្រូវបានក្រុមការងាររាជរដ្ឋាភិបាលចុះមូលដ្ឋានខេត្តកំពតរួមគ្នាដោះស្រាយរួចក្នុងរយៈពេល ៩ខែ ឆ្នាំ២០២២ ខណៈដែលករណីមិនទាន់បានដោះស្រាយនៅសល់ត្រឹមតែជាង ៤%ប៉ុណ្ណោះ។
យោងតាមរបាយការណ៍ នៃអង្គប្រជុំបូកសរុបលទ្ធផលការងាររបស់ក្រុមការងាររាជរដ្ឋាភិបាលចុះមូលដ្ឋានខេត្តកំពត ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៤ រយៈពេល៩ខែ ឆ្នាំ២០២២នេះ កាលពីព្រឹកថ្ងៃទី៧ ខែតុលា ឆ្នាំ២០២២ ដែលធ្វើបទអន្តរគមន៍ដោយ ឯកឧត្តម អ៊ឹង ឆាយ អភិបាលរងខេត្តកំពត បានបញ្ជាក់ថា រយៈពេល ៩ខែ ឆ្នាំ២០២២នេះ ក្រុមការងាររាជរដ្ឋាភិបាលចុះមូលដ្ឋានខេត្តកំពត បានខិតខំធ្វើសកម្មភាពជាច្រើនដើម្បីប្រជាពលរដ្ឋ។
ហើយក្រុមការងារបានរៀបចំធ្វើវេទិការសាធារណៈសរុបចំនួន ៥៩២លើក ទទួលបានសំណើរ១.១៧៨ករណី សំណូមពរ ៦៧៣ករណី ក្តីកង្វល់ ១៥៩ករណី ទំនាស់ ១២៧ករណី សរុប ២.១៣៧ករណី ក្នុងករណីទាំងអស់នោះ បានដោះស្រាយរួច ៦៩.២១% កំពុងដោះស្រាយ ២៦.០៦% និងមិនទាន់បានដោះស្រាយ ៤.៧៣% ចំណែកបញ្ហាសេសសល់ដោះស្រាយមិនចេញត្រូវស្នើទៅថ្នាក់ជាតិគ្មាន។
.jpg)
តាមការសន្និដ្ឋានរបស់អង្គប្រជុំបានបញ្ជាក់ថា ការចុះធ្វើវេទិការសាធារណៈ ដែលដឹកនាំដោយក្រុមការងាររាជរដ្ឋាភិបាលទាំងថ្នាក់ជាតិ និងថ្នាក់ក្រោមជាតិ បានដើរតួនាទីយ៉ាងសំខាន់ ក្នុងការធ្វើជាសេនាធិការឱ្យរាជរដ្ឋាភិបាលក្នុងការត្រួតពិនិត្យ តាមដាន និងជំរុញការអនុវត្តការងារ និងបម្រើសេវាសាធារណៈជូនប្រជាជនប្រកបដោយស្មារតីទទួលខុសត្រូវ និងមានប្រសិទ្ធភាពខ្ពស់។
.jpg)
កិច្ចប្រជុំបូកសរុបលទ្ធផលការងាររបស់ក្រុមការងាររាជរដ្ឋាភិបាលចុះមូលដ្ឋានខេត្តកំពត ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ រយៈពេល ៩ខែ ឆ្នាំ២០២២នេះ ដឹកនាំដោយ ឯកឧត្តម បណ្ឌិតសភាចារ្យ ណាត ប៊ុនរឿន អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត៕
អត្ថបទៈ មន្ទីរព័ត៌មានខេត្តកំពត
.jpg)
.jpg)
.jpg)
0 Comments