មន្ត្រី​ជំនាញ​នៃ​មន្ទីរ​សុខាភិបាល​បាន​ចុះ​ត្រួតពិនិត្យ​អនាម័យ​តាម​អាហា​រដ្ឋា​ន​ជាង ៣០០​កន្លែង​នៅ​ខេត្តកំពត​

អាហា​រដ្ឋា​ន​ជាង ៣០០​កន្លែង​នៅក្នុង​ខេត្តកំពត ដោយ​មិន​រាប់បញ្ចូល​ទាំង​តូប​លក់​អាហារ​តូចៗ​ជាច្រើន​កន្លែង​ទៀត នៅក្នុង​ខេត្តកំពត​ត្រូវ​បាន​មន្ត្រី​ជំនាញ​ពី​មន្ទីរ​សុខាភិបាល​ខេត្តកំពតចុះ​ត្រួតពិនិត្យ​អនាម័យ។​​

លោក ​ឃុន ម៉ៅ ​អនុប្រធាន​ការិយាល័យ​ឱសថ​ទទួលបន្ទុក​ខាង​ចំណីអាហារ នៃ​មន្ទីរ​សុខាភិបាល បានលើកឡើង​នៅក្នុង​កម្មវិធី “​សន្ទនា​មតិ​” ថ្ងៃទី​២៦ ខែកុម្ភៈ ឆ្នាំ​២០១៩​នេះ​ថា កន្លងមកនេះ​មន្ត្រី​ជំនាញ នៃ​មន្ទីរ​សុខាភិបាល​ខេត្ត បាន​យកចិត្តទុកដាក់​ខ្លាំង​លើ​អនាម័យ​ចំណី​អាហារ ដោយបាន​អនុវត្ត​សកម្ម​ភាពចុះ​ត្រួតពិនិត្យ​អនាម័យ​នៅតាម​អាហា​រដ្ឋា​ន ភោជនីយដ្ឋាន​ទាំង​បាន​ចុះបញ្ជី​ការ និង​មិនបាន​ចុះ បញ្ជី​ការ ក្នុង​​គោលបំណង​រក្សាបាន​នូវ​អនាម័យ​ល្អ​ជូន​ដល់​ម្ចាស់​អាហារ​ដ្ឋា​ន និង​ប្រជាពលរដ្ឋ​ជា​អតិ​ថ ជន ។​
​ស្រប​ជាមួយគ្នា​នោះ លោក រ៉េត​ជា​ប្រិយមិត្ត​ស្តាប់​កម្មវិធី​សន្ទនា​មតិ​បានលើកឡើង ជា​សំណូមពរ ថា​លោក​ចង់​ឲ្យ​កំលាំង​មន្ត្រី​ជំនាញ​ចុះ​ត្រួត​និត្យ​ឲ្យ​បាន​ហ្មត់ចត់​លើ​អនាម័យ​ម្ចាស់​អាហា​រដ្ឋា​ន​ទាំងអស់ ដោយ​ផ្តោត​សំខាន់​លើក អនាម័យ​ហាង បន្ទប់ទឹក កន្លែង​ចុងភៅ កន្លែង​ចំ​អិត​អា​ហារ​​ជា​ចំបង​បន្លែ​ម។​

គឺថា​ខ្ញុំ​ឃើញថា​នូវមាន​ចំណុច​ខ្វះចន្លោះ​ច្រើន ដូចជា​ក្រណាត់​ជូន​តុ ទោះបីថា​ជា​តុ​នោះ​មើល ឃើញ​ប្រឡាក់ ប៉ុន្តែ​យើង​ឃើញថា​របស់​ដែល​កង្វក់​ជូត​លើ​របស់​នោះ ឃើញថា​របស់​ហ្នឹង​វា​កង្វក់​តាម ហើយ​!..​ទី​២​បន្ទប់ទឹក​ឃើញថា​ភាគច្រើន បន្ទប់ទឹក​រួមជាមួយ​កន្លែង​លាង​ចាន បាទ​ឃើញថា​កន្លែង​នេះ យើង​ឃើញថា​គួរតែ​ដោះស្រាយ​ជាបន្ទាន់ យើង​មិនអាច​ពន្យា​ពេល​ទៀត​ទេ ព្រោះ​ឃើញថា​ខុស​ភាព អនាម័យ​​របស់​ប្រជាពលរដ្ឋ​គឺថា​សំខាន់​ណាស់ ។​

​ឆ្លើយតប​ទៅនឹង​ការលើកឡើង​របស់លោក​ រ៉េត​ នេះដែរ លោក​អនុប្រធាន​ឱសថ​ទទួលបន្ទុក​ខាង ចំណីអាហារ នៃ​មន្ទីរ​សុខាភិបាល​បាន​ប្រាប់ថា ក្នុងការ​ពង្រឹង​អនាម័យ​ដល់​ម្ចាស់​អាហារ​ដ្ឋា​ន ភោជនីយដ្ឋាន​នេះ គឺ​មន្ទីរ​បានកំណត់​យក​ចំណុច​ជា​គោល​ធំៗ​ចំនួន​ប្រាំ​។​

​រឿង​ទាំងអស់នេះ​យើង​បានធ្វើ បាន​នឹង​កំពុង​ធ្វើ និង​ធ្វើ​បន្តទៀត​ឲ្យ​បាន​ច្រើន ពាក់ព័ន្ធ​ជាមួយ នឹង​អាហារ​ដ្ឋា​ន​គឺ​យើង​ចុះទៅ យើង​មើល​ច្រើន​ចំណុច ៥​ចំណុច​ជា​គោល ទី​១​គឺ​យើង​មើល​បរិស្ថាន ជុំវិញ ហ្នឹង តើ​នៅមុខ​ហាង​គាត់​ហ្នឹង​មាន​ក្លិនស្អុយ សំរាម​គាត់​គ្រប់គ្រង​យ៉ាងម៉េច ទី​២​យើង​មើល​កន្លែង​ទទួល ទាន​របស់គាត់ តើ​គាត់​រៀបចំ​កន្លែង​ទទួលទាន​របស់គាត់​មាន​អនាម័យ​ស្អាតបាត មា​នក​ញ្ជ្រែ​ង​សំរាម មានទឹក សម្រាប់​លាងដៃ​អតិ​ថ​ជន មុននឹង​គាត់​ទទួលទាន ហើយ​ទី​៣​យើង​មើល​ចង្ក្រាន​បាយ គាត់​ទុក​ម្ហូប អាហារ​គាត់​មាន​ទូ​ក្លាស​សេ​ដែរ​ឬ​យ៉ាងម៉េច ហើយ​ទី​៤​យើង​មើល​កន្លែង​គាត់​លាងចាន គាត់​លាងចាន​របៀប ម៉េច ចាន​ហ្នឹង​អាច​ឆ្លង​មេរោគ​មកវិញ​អត់ ទី​៥​យើង​មើល​បន្ទប់ទឹក បន្ទប់ទឹក​គាត់​ហ្នឹង​មានការ​បែងចែក ប្រុស​ស្រី ហើយ​មាន​ការលាង​សំអាត​ហ្មត់ចត់​កម្រិតណា៕
​អត្ថ​ប​ទៈ កញ្ញា សាន វិធី​