ផែនការ​ទប់ស្កាត់​គ្រឿងញៀន​នៅតាម​សាលា​ត្រូវមាន​ការចូលរួម​ពី​អ្នកពាក់ព័ន្ធ​

​គ្រឿង​ញឿ​ននៅតែ​ចោទ​ជា​បញ្ហា​សម្រាប់​អាណាព្យាបាល​ដែលមាន​កូន​កំពុង​សិក្សា​នៅ​កម្រិត​មធ្យម​រហូតដល់​ឧត្ដមសិក្សា​។ ជាក់ស្ដែង​អាណាព្យាបាល​សិស្ស​មួយចំនួន​រស់នៅក្នុង​ខេត្តកំពត​បានលើកឡើង​ដោយ​ក្ដី​ព្រួយបារម្ភ ហើយ​ទាម​ទារ​​អោយ​លោកគ្រូ អ្នកគ្រូ អ្នកពាក់ព័ន្ធ​ទាំងអស់​ចូលរួម​ទប់ស្កាត់​គ្រឿងញៀន​កុំអោយ​កើតមាន​នៅក្នុង​សាលា​។​
លោក សេត ជា​អាណាព្យាបាល​សិស្ស​មួយរូប​បាន​លើកឡើងថា លោក​មិន​ធ្លាប់បាន​តាមដាន​ការសិក្សា​របស់​កូន​នោះទេ ដោយសារតែ​លោក​គិតថា​កូនស្រី​មិន​ដូច​កូនប្រុស ម្យ៉ាងវិញទៀត​លោក​ក៏​មានការ​មមាញឹក​ក្នុងការ​រកស៊ី​ផង​នោះ លោក​​គ្មាន​ពេលវេលា​សាកសួរ​ព័ត៌មាន​ពី​ការរៀនសូត្រ របស់​កូន​ជា​មួ​យ​លោកគ្រូ អ្នកគ្រូ​ដែរ​។​
​អាង​តា​កូនស្រី​មិនចេះ​ដើរ​រញ៉េរញ៉ៃ​ផង បើ​កូនប្រុស​ខ្លាច​វា​ដើ​រញ៉េរញ៉ៃ វា​បាក​ដែរ​យើង​នៅផ្ទះ​កូន​ទៅ​រៀន អត់​ដែល​ទៅ​ទេរ​វល់​ការងារ​។​

​ឆ្លើយតប​ការលើក​ឡោះ​ង​ខាងលើ​លោក​វរៈសេនីយ៍ឯក ទូច ឌន នាយការិយាល័យ​ប្រឆាំង​គ្រឿងញៀន នៃ​ស្នងការដ្ឋាន​នគរបាល​ខេត្តកំពត មានប្រសាសន៍​ក្នុង​កម្មវិធី​ “សន្ទនា​មតិ​” ថា ការទប់ស្កាត់​គ្រឿងញៀន​នៅតាម​សាលា​កត្តា​សំខាន់​​ គឺ​ត្រូវមាន​ការចូលរួម​តាមដាន​សកម្មភាព​ពី​អាណាព្យាបាល និង​លោកគ្រូ អ្នកគ្រូ​នៅក្នុង​សាលា ក្នុងករណី​មាន​សង្ស័យថាពួកគេ​មានប្រើ​ប្រាស់ ឬ​ចែកចាយ​គ្រឿងញៀន​នោះងាយស្រួល​ក្នុងការ​អន្តរាគមន៍​អោយបាន​ទាន់​ពេល​វេលា​។​
សំខាន់​គឺ​អាណាព្យាបាល​ត្រូវតែ​រួមចំណែក​យកចិត្តទុកដាក់​មួយចំនែក បើ​និយាយអោយចំ​ទៅ​ច្បាស់លាស់​ជាង​សមត្ថកិច្ច គឺថា​ត្រូវការ​លំអិត​ពី​សកម្មភាព​ប្លែក​របស់​កូន ទី​២​ទៀត​ពាក់ព័ន្ធ​លោកគ្រូ អ្នកគ្រូ​នៅតាម​សាលា​គឺអាច​ដឹង​ថា​​កម្រិត​សិស្ស​មុខស្រស់ ឬ​មិន​ស្រស់ ងាយស្រួល​កត់សម្គាល់​បំផុត​អ្នកណា​ប្រើប្រាស់​គ្រឿងញៀន អ្នកណា​មិន​ប្រើប្រាស់​គ្រឿងញៀន​លោកគ្រូ អ្នកគ្រូ​គាត់​អាច​ដឹង ពេលដែល​ឃើញ​ហេតុការណ៍​បែប​ហ្នឹង​អាច​ផ្ដល់ព័ត៌មាន ឬ​រក​វិធានការណ៍​ជាមួយ​អាជ្ញាធរ​បាន ដើម្បី​រក​វិធានការណ៍​ដោះ​ជាមុន​៕
​អត្ថ​ប​ទៈ កញ្ញា ឡាយ ចន្ទ្រា​