​ឯកឧត្ដម ជាវ តា​យ អញ្ជើញ​បើក​ការដ្ឋាន​កសាង​ផ្លូវ​បេតុង​១​ខ្សែ​ក្នុង​សង្កាត់​កំពង់បាយ ក្រុង​កំពត

ឯកឧត្ដម ជាវ តា​យ អភិបាល នៃ​គណៈ​អភិបាលខេត្ត កាលពី​រសៀល​ថ្ងៃទី​២២ ខែតុលា ឆ្នាំ​២០១៩ បាន​អញ្ជើញ​ជា​អធិបតីភាព​ក្នុង​ពិធីបើកការដ្ឋាន​កសាង​ផ្លូវ​បេតុង​១​ខ្សែ ហៅ​ផ្លូវ​ម្លប់​ឫស្សី ដែល​ត​ភ្ជាប់​បំបែក ចេញពី​ផ្លូវជាតិ​លេខ​៣ ស្ថិត​នៅ​​ភូមិកំពង់បាយ​ខាងជើង សង្កាត់កំពង់បាយ ក្រុង​កំពត ខេត្តកំពត។​ ​ពិធីនេះ​មានការ​អញ្ជើញ​ចូលរួម​ផងដែរ​ពី​សំណាក់ លោក លោកស្រី​អភិបាលរង​ខេត្ត ថ្នាក់ដឹកនាំ​មន្ទីរ​អង្គភាព​ជុំវិញ​ខេត្ត និង​អាជ្ញាធរ​រួម​និង​ប្រជាពលរដ្ឋ​ក្នុង​មូល​ដ្ឋាន ។

​លោក លាង រឿន​សុធី អភិបាលក្រុង​កំពត បានអោយដឹង​ថា​៖ គម្រោង​សាងសង់​ផ្លូវ​១​ខ្សែ​នេះ គឺជា​ប្រភេទ​ផ្លូវ​បេតុង​ស​សៃ​ដែក មាន​ប្រវែង​ ៤០៥​ម៉ែត្រ ទទឹង ៨​ម៉ែត្រ មាន​កម្រាស់​ ០,១៥​ម៉ែត្រ ដោយ​ប្រើប្រាស់​ថវិកាបដិភាគរ​វាង​ការចូលរួម​ពី​សប្បុរសជន និង​មូលនិធិ​សង្កាត់​ក្នុង​ឆ្នាំ​២០២០​។

​មានប្រសាសន៍​សំណេះសំណាល​ជាមួយ​ប្រជាពលរដ្ឋ​ក្នុងឱកាស​នោះ ឯកឧត្ដម ជាវ តា​យ អភិបាលខេត្ត​បានចាត់ទុក​ផ្លូវ​បេង​តុង​១ខ្សែ​នេះ បន្ទាប់ពី​កសាង​រួចរាល់​ហើយ នឹង​បាន​ក្លាយជា​សមិទ្ធផល​ថ្មី​មួយ​បន្ថែមទៀត​ក្នុងចំណោម​សមិទ្ធ​ផល​​ជាច្រើន​របស់​រាជរដ្ឋាភិបាល ក៏​ដូច​របស់​រដ្ឋបាលខេត្ត​កំពត​ដែល​បាន​ខិតខំ​កសាង​និង​អភិវឌ្ឍ​ដើម្បី​ឆ្លើយតប​ទៅ​តម្រូវការ​ប្រើប្រាស់​របស់​ប្រជាពលរដ្ឋ​និង ភាព​រីកចម្រើន​លើ​គ្រប់​វិស័យ​របស់​ប្រទេសជាតិ​។

​ឯកឧត្ដម ជាវ តា​យ អភិបាលខេត្ត ក៏បាន​ថ្លែង​ការ​កោតសរសើរដល់អាជ្ញាធរមូលដ្ឋាន​ក្រុងសង្កាត់​ និង​ប្រជាពលរដ្ឋ​ដែល​តែងតែបាន​ខិតខំ​ចូលរួម​យកចិត្តទុកដាក់​លើ​ការងារ​កសាង​អភិវឌ្ឍ​នូវ​ហេ​ដ្ឋា​រចនាសម្ព័ន្ធ ក៏ដូចជា​ការថែរក្សា ​និង​កែ​លម្អរ​សោភ័ណភាពអនាម័យបរិស្ថានក្រុង​កំពត​ ជាមួយ​រដ្ឋបាល​ខេត្តកំពត​នា​រយៈពេល​កន្លងមក។ ជាមួយគ្នា​នោះ​ឯកឧត្តមអភិបាលខេត្ត ក៏បាន​ថ្លែងអំណរគុណ​កោតសរសើរ ផងដែរ ចំពោះ សប្បុរសជន ដែល​បាន ចូលរួម​បរិច្ចាគ ធន​ធាន​សម្ភារៈ ថវិកា ក្នុងការ​រួមចំណែក​ក​សាង​ផ្លូវ​បេតុង​១​ខ្សែ​នេះ​សំដៅ​ឆ្លើយតប​តម្រូវការប្រើប្រាស់របស់ប្រជាពលរដ្ឋ ក្នុង​មូលដ្ឋាន ​និងសាធារណៈជន​ទូទៅ​។

ឯកឧត្ដម ជាវ តា​យ អភិបាលខេត្ត​ក៏បាន​ណែនាំ​ផ្ដាំផ្ញើ​ដល់​អាជ្ញាធរ ក្រុង សង្កាត់​ព្រមទាំង​មន្ត្រី​ជំនាញ​ពាក់ព័ន្ធ និង​សប្បុរសជន ក៏ដូចជា​ប្រជាពលរដ្ឋ ត្រូវធ្វើ​យ៉ាងណា​សហការ​គ្នា​អោយបាន​ល្អ ដើម្បី​ជំរុញ​អោយ​ដំណើរការ​សាងសង់​ផ្លូវ​១​ខ្សែ​​នេះ​បាន​លឿន​ឆាប់រហ័ស​និង​ប្រកបដោយ​គុណភាព​តាម​បទដ្ឋាន​បច្ចេកទេស​ស្តង់ដារ​ត្រឹមត្រូវ​ធានា​ការប្រើប្រាស់​បានយូរ​អង្វែង​។ ជាមួយ​ឱកាស​នោះ​ពាក់ព័ន្ធ​ការងារ​ត្រៀម​រៀបចំ​ពិធីបុណ្យ​សមុទ្រ​លើក​ទី​៨ ជុំ​ទី​២ ដែល​ខេត្តកំពត​ធ្វើ​ម្ចាស់ផ្ទះ​ចុងឆ្នាំ​២០១៩ ខាងមុខនេះ​។

ឯកឧត្តម ជាវ តា​យ អភិបាលខេត្ត​ក៏បាន​ក្រើនរំលឹក​ណែនាំ​បន្ថែម ដល់​អាជ្ញាធរ​ក្រុង និង​សង្កាត់ អោយមាន​ការយកចិត្ត​ទុកដាក់​បន្ថែមទៀត​ចំពោះ​បញ្ហា​សោភ័ណភាព អានា​ម័​យ​បរិស្ថាន​ក្នុង​ក្រុង​កំពត ពិសេស​ត្រូវ​យកចិត្តទុកដាក់​មើល​ការថែទាំ និង​ស្ដារ​ប្រព័ន្ធ​លូទឹក ព្រមទាំង​បំផុស​ចលនា​ផ្សព្វផ្សាយ​ដល់​មជ្ឈដ្ឋាន​មហាជន និង​ប្រជាពលរដ្ឋ​អោយមាន​ការចូលរួម​ព្រម​គ្នា ធ្វើការ​សំអាត​នូវ​អានា​ម័​យ​បរិស្ថាន​តាម​ដង​ផ្លូ វ​និង​មុខផ្ទះ ដើម្បី​ធ្វើអោយ​ក្រុង​កំពត ប្រកបដោយ​សោភ័ណភាព និង​ភាព​បៃតង​មាន​អនាម័យ​បរិស្ថាន​ល្អ​ស្អាត សក្តិ​សមជា​ក្រុង និង​ខេត្ត​ទេសចរណ៍​៕
​អត្ថ​ប​ទៈ លោក សាយ យាវ​