ឯកឧត្ដម ជាវ តា​យ អញ្ជើញ​ចូលរួម​ពិធី​បិទ​មហាសន្និបាត​សមាគម​ក្រុមប្រឹក្សា​ក្រុង​ស្រុក​ឃុំ​សង្កាត់​ខេត្តកំពត​

អង្គ​មហាសន្និបាត​សមាគម​ក្រុមប្រឹក្សា ក្រុង ស្រុក ឃុំ​សង្កាត់​អាណ​ត្តី​ទី លើក​ទី​១​នៃ​ខេត្តកំពត​បន្ទាប់ពីបានដំណើរការ​អស់​រយៈពេលមួយថ្ងៃ​កន្លះរួចមក​។ ត្រូវបានធ្វើ​ពិធី​បិទ​នៅ​ព្រឹក​ថ្ងៃទី ២២ ខែតុលា​ឆ្នាំ ២០១៩ ក្រោម​អធិបតីភាព​ឯកឧត្តម ​ជាវ តា​យ ​អភិបាល​នៃ​គណៈ​អភិបាលខេត្ត​និង​មាន​សមាជិក ចូលរួម ពី​សំណាក់​ប្រធាន​និង​សមាជិក​ក្រុមប្រឹក្សា​ក្រុង​ស្រុក​ឃុំ​សង្កាត់​ដែល​ស្ថិតនៅក្នុង​ទូទាំង​ខេត្តកំពត​។

​ថ្លែង​នៅក្នុង​ឱកាស​នោះ​ឯកឧត្តម ជាវ តា​យ បាន​លើកឡើងថា​មហាសន្និបាត​លើក​ទី​៣ របស់​សមាគម​ក្រុមប្រឹក្សា​ក្រុង​ស្រុក​ឃុំ​សង្កាត់​នាឱកាស​នេះ​គឺជា​សក្ខីភាព​ដែល​បាន​ឆ្លុះបញ្ចាំង​ពី​ការប្ដេជ្ញាចិត្ត​របស់លោក​-​លោកស្រី​ដែលជា​សមា​ជិក​​ក្រុមប្រឹក្សា​ក្រុង​ស្រុក​ឃុំ​សង្កាត់​នៅក្នុង​ខេត្តកំពត ​ក្នុង​ការបន្ត​នូវ​ចីរភាព​នៅក្នុង​អង្គការ​មួយ​ដែលជា​តំណាង​សំឡេង​ និង​ការពារ​ផលប្រយោជន៍​រួម​ដើម្បី​លើកកម្ពស់​គុណភាព​នៃ​ជីវភាព​រស់នៅ​ និង​សុខមាលភាព​របស់​ប្រជាពលរដ្ឋ​តាម​រយៈ​អភិបាលកិច្ច​តាមបែប​វិមជ្ឈការ​និង​វិសហមជ្ឈការ​ដើម្បី​អភិវឌ្ឍ​សមត្ថភាព ដើម្បី​បង្កើន​ប្រសិទ្ធភាព​នៃ​ការផ្ដល់សេវា​សាធារណៈ​ដ​ល់​ប្រជាពលរដ្ឋ​នៅ​មូលដ្ឋាន​បានល្អ​ប្រសើរ​។

មហាសន្និបាត​លើក​ទី​១ អាណត្តិទី​៣ នៅពេលនេះ​គឺជា​ឱកាស​កាស​សមាគម​បានបង្ហាញ​នូវ​សមិទ្ធផល​ដែល​ខ្លួន​សម្រេចបាន​ក្នុងការ​លើកកម្ពស់​សម​ត្ថ​ភាព ​និង​ការពារ​ផលប្រយោជន៍​ស្របច្បាប់​របស់​ក្រុមប្រឹក្សា​ក្រុង​ក្រុមប្រឹក្សា​ស្រុក​ក្រុម​​​ប្រឹក្សាឃុំ​ក្រុមប្រឹក្សា​សង្កាត់ និង​សមាជិក​ក្រុមប្រឹក្សា​ក្រុង​ស្រុក​ឃុំ​សង្កាត់​នៅ​ខេត្តកំពត​។

​ជាមួយគ្នានេះដែរ​សន្និបាត​អាណត្តិ​ទី​៣ បានរៀបចំ​ឡើង​នេះ​ក្នុង​គោលបំណង​សំខាន់ៗ​គឺ​ពិនិត្យ​កែសម្រួល​និង​អនុម័ត​សេចក្ដីព្រាង និង​លក្ខន្តិកៈ​បទបញ្ជាផ្ទៃក្នុង​របស់​សមាគម​នឹង​ដំណើរការ​បោះឆ្នោត​ជ្រើសរើស​អង្គ​អភិបាលកិច្ច​របស់​សមា​គម​សម្រាប់​អាណត្តិ​ទី​៣ មាន​ជាអាទិ៍​ប្រធាន​អនុប្រធាន​សមាជិក​ក្រុមប្រឹក្សា​និង​សមាជិក​គណៈកម្មាធិការ​ប្រតិបត្តិ​របស់​សមាគម​អ្វីដែល​សំខាន់​ទៀត​នោះ​នៅពេលដែល​មហាសន្និបាត​នេះ​បញ្ចប់​ក៏​នឹងមាន​កិច្ចប្រជុំ​ក្រុមប្រឹក្សា​លើក​ទី​១​របស់​សមាគម​អណ​ត្តិ​ទី​៣ ដែល​លើកឡើង​អំពី​ការពិនិត្យ​អនុម័ត​ផែនការ​អំពី​សកម្មភាព​ថវិកា​ឆ្នាំ២០២០ របស់​សមាគម​ក្រុមប្រឹក្សា​ក្រុង​ស្រុក​ឃុំ​សង្កាត់​ក្នុង​ខេត្តកំពត។

ការផ្សព្វផ្សាយ​ផែនការ​យុទ្ធសាស្ត្រ​របស់​សមាគម​ក្រុមប្រឹក្សា​ថ្នាក់មូលដ្ឋាន​២០១៩ -២០២៣ ការជ្រើសរើស​និង​អនុម័ត​តំណាង​ប្រតិភូ​របស់​ក្រុមប្រឹក្សា​ក្រុង​ស្រុក​ឃុំ​សង្កា​ត់នៃ​ខេត្តកំពត​ចូល​ជា​ក្រុម​ប្រឹក្សាជាតិ​នៃ​សម្ព័ន្ធភាព​ជាតិ​ក្រុមប្រឹក្សា​ថ្នាក់មូលដ្ឋាន​។ ​ឯកឧត្តម ​ជាវ ​តា​យ​ ក៏បាន​ធ្វើការ​កោតសរសើ​រ​និង​វាយតម្លៃ​ខ្ពស់​ចំពោះ​កិច្ចខិតខំ​ប្រឹងប្រែង​និង​ការ​សាមគ្គី​គ្នា​របស់​ថ្នាក់ដឹកនាំ​សមាគម​ក្រុមប្រឹក្សា​ក្រុង​ស្រុក​ឃុំ​សង្កាត់​កាត់​ក្នុង​ខេត្តកំពត​ដែល​បាន​ខិតខំ​បំពេញភារកិច្ច​ក្នុង​រយៈកាល​ប្រាំ​ឆ្នាំកន្លងមក​ផងដែរ​៕
​អត្ថ​ប​ទៈ លោក សាយ យាវ​